Դուբայի իշխանությունները կառուցելու են 12 միլիարդ ԱՄԷ դիրհեմ արժողությամբ (3,27 միլիարդ դոլար) արեգակնային մարտկոցի համալիր: Այս մասին հայտնում է Gulfnews:
Ջրային ռեսուրսների և էլեկտրաէներգիայի տեղական վարչության (Dubai Electricity and Water Authority) կայքում հստակեցվում է, որ համալիրի տարածքը կազմելու է 48 քառակուսի կիլոմետր, իսկ հզորությունը` հազար մեգավատ:
ԱՄԷ իշխանությունները մտադիր են արեգակնային էներգիայի օգնությամբ նվազեցնել էներգառեսուրսների ներկրումից կախվածությունը: Բացի այդ, պլանավորվում է նվազեցնել նաև մթնոլորտ ածխածնի երկօքսիդի արտանետումների ծավալը: Համալիրի շինարարությունը տարածաշրջանում նմանատիպ առաջին նախագիծն է:
Զարգացման ռազմավարության իր ծրագրի համապատասխան, Դուբայը պլանավորում է 2030 թվականին էմիրությունների ընդհանուր պահանջների նկատմամբ հինգ տոկոսով բարձրացնել արեգակնային էներգիայի բաժինը: Բացի այս, 12 տոկոսը ապահովվելու է ատոմային էներգիայի և ևս այդքանը՝ ածխային էլեկտրակայանների օգնությամբ: Մնացած պահանջները ծածկելու են գազի հաշվին:
