«Շաքարախտի հաղթահարման կենտրոնը» բնակչությանը զգուշացնելու նպատակով տարածել է հիշեցում, որում ասվում է.
«Հայաստանի տարբեր մարզերում բնակվող շաքարախտ ունեցող մարդկանց և բժիշկ էնդոկրինոլոգների նախաձեռնությունով ստեղծվել է «Շաքարախտի հաղթահարման կենտրոնը», որը 2012 թվականին նպատակադիր է գրանցվել որպես հասարակական կազմակերպություն: Մեր նպատակն է`բացատրել այն մարդկանց, ում մոտ նոր են հայտնաբերել շաքարախտ, դրա հետևանքները, սննդակարգը և այլ կարևոր հարցեր: Հնարավորության դեպքում պարբերաբար կկազմակերպենք բարեգործական ակցիաներ` նվիրելով արյան շաքարը որոշող ժամանակակից գլյուկոմետրեր, դիաբետի մասին պատմող գրքեր: Մեր կենտրոնի անդամ բժիշկները պարբերաբար կայցելեն հեռավոր բնակավայրեր, կիրականացնեն անվճար կոնսուլտացիա:
Շեշտենք, որ մեր կենտրոնը չի ստեղծվել նախընտրական և կուսակցական բարեգործության նպատակով: Առայժմ գրացված չենք որպես կազմակերպություն և աշխատում ենք էնտուզիազմի հաշվին:
«Շաքարախտի հաղթահարման կենտրոնը» կարևոր է համարում հիշեցնել, որ հատկապես տոնական այս օրերին շաքարախտ ունեցող մարդիկ պետք է չափեն գլյուկոզան արյան մեջ և շատ չչարաշահեն յուղալի և քաղցր ուտելիքները: Սակայն նրանք ովքեր տանը չունեն գլյուկոմետր տոներից հետո պարտադիր պետք է այցելեն պոլիկլինիկա:
«Շաքարախտի հաղթահարման կենտրոնը» շնորհավորում է բոլորի Ամանորը և Սուրբ Ծնուդը` մաղթելով առողջություն և հաջողություններ»:
