Հարկային ոլորտում իրավիճակը շարունակում է շատ խճճված մնալ: «Առաջին լրատվական»-ի հետ զրույցում Հայաստանի գործատուների հանրապետական միության նախագահ Գագիկ Մակարյանը նշեց, որ կարիք կա լուրջ, շատ լուրջ բարեփոխումների: «Տեսչական բարեփոխումների մասով ՊԵԿ-ը փորձեց 20-25 % թույլտվություն վերագրել իրեն, ուսումնասիրություններից բացի, նաև ստուգումներ կատարելու համար: Եկող տարվա ցանկով ստուգումների ենթակա 2300 ընկերություններն այն ընկերություններն են, որ իրականում ՊԵԿ-ը միշտ ձգտել է ստուգել: Նաև այդ ընտրության մեխանիզմը շատ հստակ ու թափանցիկ չի,թե ինչպես են այդ ընկերությունները հայտնվել, ու այսօր չգործող բազմաթիվ ձեռնարկությունները հաշվի առնելով՝ այդ 20-25 %–ը իրականում բացարձակ արժեքով մի քանի հազար ձեռնարկություն է նշանակում, և իրականում գործողների 60 % է: Ստացվում է, որ ՊԵԿ–ը հնարավորություն ունի 60 %–ը ստուգել»,- ասաց Գ. Մակարյանը:
Նրա բնորոշմամբ՝ մինչև 3 տարի ժամկետով 300 մլն դրամը գերազանցող ներդրում կատարողի համար ԱԱՀ–ի հետաձգումը շատ խրթին մեխանիզմ է, և աղյուսակը շատ բարդ է կազմված՝ պետք է նշել ոչ միայն ապրանքի ճիշտ անունը, երկիրը, իսկ եթե նույն ապրանքից մի քանի երկրից է բերվում, ապա պետք է նշվի, թե ինչքանը որ երկրից է, դրանց կոդերը, որոնք էլ հաճախ շատ «լղոզված» են և ենթակետերով: «Իսկ հստակ չլինելու դեպքում ներմուծելիս ՊԵԿ աշխատողի գիատակցության ու ընկալման վրա հույս դնել չի կարելի: Մերժում են»,- փաստեց Մակարյանը:
