Եգիպտոսի վարչապետ Կամալ Ալ-Գանզուրին Կահիրեում մամուլի ասուլիսի ժամանակ հայտարարել է, որ Եգիպտոսը մինչև այժմ չի ստացել միջազգային հանրության կողմից խոստացված ֆինանսական օգնությունը, որը խոստացվել էր նախկին վարչապետ Հոսնի Մուբարաքի վարչակարգի տապալումից հետո երկրի տնտեսություն վերականգնելու համար: Այս մասին հայտնում է РИА Новости-ն:
«Արաբական երկրները խոստացել էին օգնության տեսքով տրամադրել 10.5 միլիարդ դոլար և վարկային արտոնություններ, սակայն մեզ հասել է ընդամենը 1 միլիարդ դոլար»,- ասել է վարչապետը:
Նա նաև հիշեցրել է, որ Մեծ ութնյակի երկրների հետ հանդիպման ժամանակ վերջինններս խոստացել են «արաբական գարնան» երկրներին, առաջին հերթին՝ Եգիպտոսին և Թունիսին հատկացնել ընդհանուր առմամբ 35 միլիարդ դոլարի օգնություն: «Դեռ այդ գումարից Եգիպտոս ոչ մի դոլար չի հասել»,- ավելացրել է նա:
Վարչապետը հայտնել է, որ չնայած ԱՄՆ-ը խոստացել է 2.5 միլիոարդ դոլար հատկացնել Եգիպտոսի տնտեսությանը, սակայն նույնպես չի կատարել խոստումը:
Ընդ որում, Եգիպտոսը վերջին մի քանի ամիսների ընթացքում երկրում ստեղծված անկայուն վիճակի պատճառով զրկվել է 9 միլիարդ դոլարից:
Նրա խոսքերով՝ անկայուն իրավիճակի պատճառով նրանք զրկվել են նաև օտարերկրյա ներդրումներից:
Նոր իշխանությունները տարվա սկզբից ծախսել են 16 միլիարդ դոլար երկրի 36 միլիարդ պահուստից, որը կուրտակվել էր Մուբարաքի կառավարման վերջին տարիներին:
Եգիպտոսի տնտեսությունը մինչև այժմ չի կարողանում ուշքի գալ վարչակարգի փոփոխման պատճառով: Իշխանությունների տվյալներով՝ գրեթե դադարել են օտարերկրյա ներդրումները: Զբոսաշրջության սեկտորը կորցրել է մի քանի միլիարդ դոլար, գործարանները և ֆաբրիկաները գործում են 50 տոկսով:
Միջազգային Standard & Poor’s գործակալությունը արդեն իջեցրել է Եգիպտոսի վարկային վարկանիշը տեղական և միջազգային արտարժույթով ВВ-ից В+ի, կանխատեսումը «բացասական»: Երկրի կարճաժամկետ վարկանիշները հաստատվել են В մակարդակով, նրանց նկատմամբ կանխատեսումը նույնպես բացասական է: Շարունակում է իջնել նաև եգիպտական ֆունտի փոխարժեքը:
