Ճապոնիայի վարչապետ Եսիխիկո Նոդան երկրի կառավարությանը կոչ է արել պատրաստ լինել ցանկացած անկանխատեսելի իրադրության, որը կարող է առաջանալ Հյուսիսային Կորեայի առաջնորդ Կիմ Չեն Իրի մահվանից հետո:
«Այժմ կարող է տեղի ունենալ ամեն ինչ, և անհրաժեշտ է լիովին պատրաստ լինել ցանկացած անակնկալի»,- մեջբերում է վարչապետին Kyodo գործակալությունը:
Ներկայումս Ճապոնաիայում տեղի է ունենում Ազգային անվտանգության խորհրդի արտակարգ նիստ: Երկրի ԱԳ նախարարը արդեն հայտարարել է, որ Տոկիոն սկսելու է ակտիվ խորհրդակցել երկրների հետ, որոնք անմիջականորեն հերաքրքրված են Կորեական թերակղզում դեպքերի զարգացումներով:
Հիշեցնենք, որ Ազգային անվտանգության խորհրդի նիստ անցկացվում է նաև Հարավային Կորեայում, որտեղ բանակը բերվել է բարձր մարտական պատրաստականության:
Կիմ Չեն Իրի մահվան լուրին արձագանքել է նաև Սպիտակ Տունը, որը «ակնդետ հետևում է», թե ինչ է կատարվում Հյուսիային Կորեայում:
Հիշեցնենք, որ այսօր հայտնի դարձավ Կիմ Չեն Իրի մահվան մասին: Նա մահացել էր դեկտեմբերի 17-ին սրտի կաթվածից:
