Թուրքական Ankara լրատվական գործակալության փոխանցմամբ, Թուրքիայի փոխվարչապետ Բեշիր Աթալայը հայտարարել է, որ հոկտեմբերի 23-ին Վանի նահանգում տեղի ունեցած ավերիչ երկրաշարժից և դրան հաջորդած առավել նվազ ուժգնությամբ երկրաշարժերից հետո Թուրքիան մարդասիրական օգնություն է ստացել 35 երկրներից։
Աթալայն այդ երկրների թվում նշել է նաև Հայաստանը, Իսրայելը և Սիրիան։ Ուշագրավն այն է, որ Աթալայն ընդգրկել է նաև ինքնահռչակ Հյուսիսային Կիպրոսի թուրքական հանրապետությունը (ՀԿԹՀ), որին ցայժմ ճանաչել է միայն Թուրքիան, իսկ Ադրբեջանը Ղարաբաղի պատճառով զրկված է դա անելու գայթակղությունից։ Սակայն թուրքական լրատվամիջոցը քանիցս նշում է միայն 35 երկրի մասին, մինչդեռ ՀԿԹՀ-ի հետ այդ ցուցանիշը կազմում է 36։
Թուրքիային մարդասիրական օգնություն ցուցաբերած մյուս երկրներն են ԱՄՆ-ը, Գերմանիան, Ֆրանսիան, Ռուսաստանը, Ադրբեջանը, Ղազախստանը, Ուկրաինան, Եգիպտոսը, Իռլանդիան, Շվեյցարիան, Ալժիրը, Բելգիան, Կատարը, Ճապոնիան, Հարավային Կորեան, Շվեդիան, Իտալիան, Մեծ Բրիտանիան, Ռումինիան, Իսպանիան, Պակիստանը, Ավստրիան, Ղրղզստանը, Կանադան, Հորդանանը, Ֆինլանդիան, Նիդեռլանդները, Նորվեգիան, Իրանը, Բահրեյնը, Մալայզիան և Բուլղարիան։
Ընդհանուր առմամբ, ստացվել է 28,140 վրան, 200 հավաքովի տնակ, 94,470 ծածկոց, 1000 անկողին և այլն։ .
