Այսօր, կեսգիշերին մոտ Կենտրոն և Նորք-Մարաշ համայնքների ընդհանուր իրավասության դատարանը որոշել է երկամսյա կալանք կիրառել «Նարեկացի» արվեստի միության նախագահ Նարեկ Հարթյունյանի նկատմամբ:
Հիշեցնենք, որ «Նարեկացի» արվեստի միության նախագահ Նարեկ Հարությունյանը երեկ առավոտյան էր բերման ենթարկվել ՀՀ ԿԱ պետեկամուտների կոմիտեի քննչական բաժին:
Քննիչի ընկերության գլխավոր հաշվապահին որպես մեղադրյալ ներգրավելու որոշման մեջ նշվում է, որ Արթուր Գալստյանը, 2009թ.-ի օգոստոսից հանդիսանալով «Ջի Էյջ Ստորիջ Էնթրփրայզս» ՍՊԸ գլխավոր հաշվապահը, առանձնապես խոշոր չափերով հարկերը վճարելուց չարամտորեն խուսափելու դիտավորությամբ, ընկերության փաստացի ղեկավար, այնուհետև Տնօրեն Նարեկ Հարթյունյանի անմիջական ցուցումով հարկման համար հիմք հանդիսացող հաշվարկներում և հաշվետվություններում ակնհայտ խեղաթյուրված տվյալներ մտցնելու միջոցով խուսափել է առանձնապես խոշոր չափերի` ավելի քան 25 մլն հարկերը պետական բյուջե վճարելուց:
Բացի այդ, 2010թ. Սեպտեմբերի 11-ից մինչև 2011-ի մարտի 31-ն ընկած ժամանակահատվածում, հանդիսանալով ընկերության հաշվապահ, ընկերության գրասենյակային գործերի կառավարիչ, իսկ 2011-ի հունվարից կազմակերպչական գործերով փոխտնօրենի հետ օժանդակել են ընկերության տնօրեն Ն. Հարթյունյանի` հարկման համար հիմք հանդիսացող հաշվարկներում և հաշվետվություններում ակնհայտ խեղաթյուրված տվյալներ մտնցնելու միջոցով խոշոր չափերով` ավելի քան 38 մլն դրամ հարկերը պետական բյուջե վճարելուց խուսափելուն:
