Standard & Poor’s գործակալությունը եվրոգոտու 15 երկրների մտցրել է վարկային վարկանիշի վերանայման համար նախատեսված ցուցակում: Սա ենթադրում է 50 տոկոս հավանականություն, որ գալիք երեք ամիսների ընթացքում իջեցնելու է նրանց վարկանիշը: Այս մասին հաղորդվում է ընկերության համապատասխան մամուլի հաղորդագրության մեջ:
Այդ երկրների թվում են Ֆրանսիան, Գերմանիան, Նիդերլանդները, Ֆինլանդիան, Ավստրիան և Լյուքսեմբուրգը, որոնք ներկայումս ունեն AAA վարկանիշի առավելագույն մակարդակը:
Եվրոգոտու Standard & Poor’s ընկերության վերջին գործողությունները չեն վերաբերել Կիպրոսին, որի վարկանիշը արդեն գտնվում է վերանայման ցուցակում, և Հուսնաստանին, որի վարկանիշը 2011 թվականի հուլիսից գտնվում է նվազագույն մակարդակում:
Մամուլի հաղորդագրության մեջ նաև ասվում է, որ գործակալության այս քայլը պայմանավորված է եվրոգոտու համակարգային ճգնաժամի ուժեղացմամբ, որը բացասական ազդեցություն է թողնում ԵՄ վարկային հնարավորությունների վրա:
Վերլուծաբաները ուշադրություն են դարձրել եվրոգոտում վարկային պայմանների վատացման, առավելագույն վարկանիշ ունեցող երկրների պարտատոմսերի եկամուտների աճի, եվրոպական երկրների շրջանում միասնական հակաճգնաժամային քաղաքականության բացակայության, պետական պարտքի բարձր մակարդակի վրա:
Ֆրանսիան և Գերմանիան համատեղ հայտարարության մեջ, որը Standard & Poor’-ին ուղղված պատասխան էր, հայտնել են, որ պատրաստ են ընդունել «բոլոր անհրաժեշտ միջոցներ» եվրոգոտում կայունության հասնելու համար:
