Ինչպես հաղորդում է AiF.ru կայքը, երեկ Մոսկվայում ձերբակալվածների մեջ կան նաև հայեր:
Կայքը հայտնում է, որ երեկ Մոսկվայի հարավարևելյան շրջանում՝ մետրոյի կայարանի մոտ, տեղի են ունեցել բախումներ ոստիկանության և մի խումբ ոչ սլավոնական արտաքին ունեցող անձանց միջև: Ինչպես պատմել է ներկա գտնված ոստիկաններից մեկը, իրենք, իբր, փորձել են ստուգել մետրոյի շրջակայքում գտնվողների փաստաթղթերը, սակայն վերջիններս թիվը զգալիորեն գերազանցել է ոստիկանների թվին: Ոստիկանները կիրառել են զենք: Միայն օդ կրակելուց հետո, ըստ ոստիկանների, խումբը հնարավոր է եղել չեզոքացնել:
Ձերբակալվածների մեջ կան Հայաստանի, Վրաստանի, Տաջիկստանի, Թուրքմենստանի, Չեչնիայի, Դաղստանի, Կաբարդինո-Բալկարիայի 19-37 տարեկան բնակիչներ: Նրանց նկատմամբ հարուցվել է քրեական գործ` «իշխանոթւյան ներկայացուցչի դեմ բռնություն կիրառելու» մեղադրանքով:
Այս պահին հայտնի է, որ երեկ Ռուսաստանի 9 մարզերում բերման է ենթարկվել մոտ 1700 մարդ, Մոսկվայում՝ 1350 մարդ:
