The Rolling Stones-ի կիթառահար Քիթ Ռիչարդսը խմբի նախկին անդամներ` բասկիթառահար Բիլ Ուայմենին և կիթառահար Միք Թեյլորին կրկին հրավիրել է խումբ: Այդ մասին երաժիշտը հայտնել է Spinner պարբերականին տված հարցազրույցի ժամանակ:
67-ամյա «ռոլլինիգի» խոսքերով, ներկայումս ինքը, ինչպես նաև The Rolling Stones-ի անդամներ Ռոնի Վուդը և Չարլի Ուոթսը խմբի 50-ամյակի նախաշեմին կազմակերպում են ջեմ-սեյշն: Դրա հետ կապված հրավիրվել են նաև Թեյլորը և Ուայմենը: Սակայն Ռիչարդսը չի ասել՝ արդյոք նրանք արձագանքե՞լ են առաջարկին:
Կիթառահարը հայտարարել է, որ իրեն դուր է գալիս խմբի նախկին անդամներին խումբ հրավիրելու միտքը: Չնայած Քիթի լավատեսական տրամադրվածությանը, դեռ հայտնի չէ, թե The Rolling Stones-ի առաջամարտիկ Միք Ջագերը մասնակցելո՞ւ է այս տոնակատարությանը, թե` ոչ: Ջագերը ինքը ոչ մի մեկնաբանություն չի տվել այս հարցի վերաբերյալ:
The Rolling Stones-ը նոյեմբերի 21-ին պատրաստվում է վերաթողարկել 1978 թվականին լույս տեսած Some Girls սկավառակի դելյուքս տարբերակը:
Բիլ Ուայմենը The Rolling Stones-ում նվագել է 1962-ից 1993 թվականներին, իսկ Միք Թեյլորը` 1969-ից 1974 թվականներին: Իր գոյության ընթացքում The Rolling Stones-ը հասցրել է մի քանի անգամ փոխել իր կազմը, որը մեջ մտել են նաև Բրայան Ջոնսը, Յան Ստյուարտը և Թոնի Չեփմենը:
