Արտաքին քաղաքականության, անվտանգության և միջազգային հարաբերությունների հարցերով փորձագետ, Heritage Foundation-ի` Ռուսաստանի, Եվրասիայի և միջազգային էներգետիկ անվտանգության հարցերով փորձագետ Արիել Քոհենը կարծում է, որ Իսրայելի վարչապետ Բենյամին Նեթանյահուի՝ Թուրքիայի հետ հարաբերությունները կարգավորելու ջանքերը տապալվելու են:
Ըստ 1news.az-ի` Քոենը նշել է, որ Անկարան և Թեհրանը փորձում են խզել Ադրբեջանի և Իսրայելի «սերտ կապերը»: Փորձագետի կարծիքով, որքան էլ Իսրայելը ջանքեր գործադրի Թուրքիայի հետ հարաբերությունները կարգավորելու առումով, դժվար թե Թուրքիայի արտաքին քաղաքական կուրսը փոփոխությունների ենթարկվի և վերականգնվի երկու պետությունների միջև եղած ռազմավարական հարաբերությունները:
Ա. Քոենի կարծիքով, Իսրայելը կփորձի իր ազդեցության գոտին տարածել Հարավային Կովկասում, որտեղ Թուրքիան էական ազդեցություն ունի. « Դա հատկապես կարող է արտացոլվել Բաքվի և Իսրայելի հարաբերություններում: Այն փաստը, որ Թուրքիան և Իրանը Ադրբեջանի հարևաններն են և նրա կարևոր գործընկերները, իր ազդեցությունը կունենա, և Իսրայելի հետ Բաքվի հարաբերությունները կթուլանան: Այդ հարցում Թեհրանը և Անկարան շահագրգռված են»,- ասել է նա:
