«Այսօր Կարեն Դեմիրճյանի անվան մարզահամերգային համալիրում մենահամերգիս ընթացքում կկատարեմ նոր ձայնասկավառակի բոլոր երգերս, գումարած ժողովրդական ու իմ հին ու սիրված երգերը, որոնք համերգին ընդգրկվել են հանդիսատեսի ցանկությամբ»,- «Առաջին լրատվական»-ի հետ զրույցում ասած երգիչ Արամեն:
Նա տեղեկացրեց նաև, որ մենահամերգին կկատարի 23 երգ, ելույթ կունենա 2 պարային խումբ, բեմում կնվագի մոտ 20 հոգուց բաղկացած երաժիշտների խումբ:
«23 երգը ընդմիջումներով, փոքրիկ ընդմիջումներով կտևի մոտ երկու ժամ, մենահամերգի նորությունը նոր երգերն են, բացի այդ, ամեն ինչ անում ենք, որ լինի նոր նկարահանող սարք, որը կոչվում է «Սարդ»: Այն Երևանում դեռ չի աշխատել, ու փորձում ենք, որ իմ մենահամերգին ստանանք գեղեցիկ նկարահանում, լուսային գեղեցիկ էֆեկտներ»,- ասաց երգիչը:
Արամեն խոստովանեց, որ մենահամերգին դուետով հանդես կգա միայն երգչուհի Արմինկայի հետ: Երգը գրել է գուսան Շերամը, կոչվում է՝ «Զով գիշեր է»:
Երգիչը, որի երկրորդ ձայնասկավառակը լույս է տեսել հոկտեմբերի 10-ին, մեզ հետ զրույցում ասաց, որ հանդիսատեսն արդեն ծանոթ է երգերին ու նրան մնում է միայն գալ ու «վայելել կատարումները»:
Նա «Առաջին լրատվական»-ին մաղթեց լավ ընթերցողներ ու իր բոլոր երկրպագուներին հրավիրեց իր մենահամերգին: