Ամերիկացի դերասանուհի Անջելինա Ջոլին Կամբոջայում ձեռք է բերել Կարմիր կխմերների նախկին առաջանորդի հողատարածքը: Վերջինս ՄԱԿ-ի կողմից մեղադրվում է մարդկության դեմ գործած հանցանքների մեջ: Այս մասին հայտնում է GlobalPost ինտերնետային կայքը:
Ջոլիի նախկին աշխատակից Մունխ Սարատխի խոսքով` 2002 թ. ինքը դերասանուհուց հանձնարարություն է ստացել Յիմ Թիթխից, ով հայտնի է Տա Թիթխ` պապիկ Թիթխ անունով, գնել երկու հողատարածք,:
Գործարքն արժեցել է 25 հազար դոլար: Որպես իր խոսքերի ապացույց՝ Ջոլիի նախկին աշխատակիցը ներկայացրել է փաստաթղթեր: Նրա պնդմամբ` ինքը դերասանուհուն տեղեկացրել է հանցավոր ռեժիմի հետ Տա Թիթխի հնարավոր կապի մասին, սակայն դա չի կանգնեցրել Ջոլիին:
Սարատխը, համաձայնության չգալով պայմանագրի կետերի շուրջ, Ջոլիի հետ կապերը խզել է դեռևս 2006 թ.:
Կամբոջայի որոշ իշխանավորներ հաստատել են գործարքի կնքման փաստը` նկատելով, որ Կարմիր կխմերների նախկին առաջնորդը վաճառքի պահին ունեցել է գումարի կարիք:
The Daily Mail բրիտանական թերթը խնդրել է դերասանուհու ներկայացուցիչներին մեկնաբանել այս փաստը, սակայն ոչ մի պատասխան չի ստացել:
Ջոլին 2000 թվականից Կամբոջայում զբաղվում է բարեգործությամբ: 2002 թ. նա մանկատնից որդեգրել է իր ավագ որդուն`Մեդոքսին: 2005 թ. Կամբոջան, ի նշան շնորհակալության, նրան շնորհել է Կամբոջայի քաղաքացիություն:
ՄԱԿ-ը Թիթխին մեղադրանք է առաջադրել 2009 թ.: ՄԱԿ-ի տվյալներով` 1970-ականների վերջին նա ղեկավարել է Կարմիր կխմերներին այն շրջանում, որտեղ սպանվել են շուրջ 600 խաղաղ բնակիչներ:
