Վարչապետ Նիկոլ Փաշինյանը ճեպազրույցում ասել է, որ առանց ընտրակաշառքի, պատերազմի եռագլուխ կուսակցությունից ոչ մեկը խորհրդարան անցնելու շեմը չէր հաղթահարի։
«Ուզում եմ ասել, որ այստեղ տեղի ունեցածի մեջ դատաիրավական կարգի պատասխանատվության իրավունքն է, քանի որ նախորդ ընտրություններում ընտրակաշառք տվածները ոչ միայն բանտում չեն, այլև այս պրոցեսի մեջ շարունակել են իրենց գործունեությունը»,- ասել է նա և հավելել, որ դատաիրավական համակարգը պետք է ժողովրդին պատասխաններ տա։
Նրա խոսքով՝ հանրությունը պետք է ստանա հստակ պատասխան, թե ինչու է ֆինանսավորվում դատաիրավական համակարգը, եթե հանցագործները ոչ միայն շարունակում են փողոցներում պտտվել, այլև իրենց հանցագործություններն են շարունակում։ «Ես այս հարցերի պատասխանները ստանալու եմ»,- շեշտել է նա։
