Եթե խոսքը ԵԱՏՄ օրենսդրության մասին է, ապա այն ներկայումս չի նախատեսում որևէ պետության բացառում կամ ԵԱՏՄ անդամի մասնակցության կասեցում միության աշխատանքներին։ Հայտարարել է ՌԴ փոխվարչապետ Ալեքսեյ Օվերչուկ։
«Սա այն հարցն է, որը պետք է դիտարկել զուտ իրավական տեսանկյունից, քանի որ այսօր մենք բախվում ենք որոշակի իրավական հակամարտության, և այն պետք է լուծվի։ Դրան նույնպես պետք է մոտենալ հանգիստ. մենք կաշխատենք հանգիստ։ Ի դեպ, կարծում եմ, որ հայերը նույնպես կմասնակցեն այս աշխատանքին, քանի որ նրանք՝ որպես Եվրասիական տնտեսական միության անդամներ, նույնպես հասկանում են, որ ԵԱՏՄ օրենսդրության մեջ կան որոշ բացթողումներ, որոնք պետք է լրացվեն։ Սա նորմալ աշխատանքային իրավիճակ է»,- ասել է նա։
Օվերչուկը սակայն մտահոգված է Հայաստանի ԵՄ-ի ուղղությամբ շատ արագ շարժմամբ, որը, իր կարծիքով, կարող է զգալի վնաս հասցնել Հայաստանին։
«Եվրասիական միությանը և մեր երկրների բիզնեսներին, որոնք ներկայումս գտնվում են անորոշության մեջ. ի՞նչ անել։ Սա է ամբողջ հարցը։ Սա աշխատանքային իրավիճակ է, և դրան պետք է մոտենալ աշխատանքային ձևով»,- հավելել է նա։
Հարցին, թե ԵԱՏՄ-ում Հայաստանի անդամակցության սառեցման որոշակի մեխանիզմներ կարող են քննարկվել, ՌԴ փոխվարչապետը բացասական է պատասխանել՝ նեշով, որ խոսքը հաշվետվության մասին, որը պետք է ներկայացվի մինչև դեկտեմբեր։
