Հոկտեմբերի 5-ին ԱԳ նախարար Էդվարդ Նալբանդյանն հանդիպել է պաշտոնական այցելությամբ Երևանում գտնվող Լիբանանի խորհրդարանի նախագահ Նաբիհ Բերրիին:
Ողջունելով հյուրին` արտգործնախարար Նալբանդյանը բարձր է գնահատել երկու բարեկամ երկրների միջև ձևավորված հարաբերությունները` հիմնված փոխադարձ հարգանքի և վստահության վրա: ԱԳ նախարարը նշեց նաև Հայաստանի և Լիբանանի միջև իրավապայմանագրային ընդգրկուն դաշտի առկայությունը` որակելով այն որպես երրկողմ մշտապես զարգացող հարաբերությունների գրավական:
Հանդիպմանը անդրադարձ է կատարվել երկկողմ հետաքրքրություն ներկայացնող քաղաքական, առևտրատնտեսական բնույթի մի շարք հարցերի:
Երկուստեք առանձնակիորեն ընդգծվել է միջխորհրդարանական համագործակցության կարևորությունը միջպետական հարաբերությունների զարգացման համար:
Նաբիհ Բերրին նշել է, որ լիբանանահայ համայնքը կարևոր դեր է կատարում երկրի քաղաքական, տնտեսական և մշակութային կյանքում և յուրօրինակ կապող օղակ է հանդիսանում երկու պետությունների միջև:
Զրուցակիցները քննարկել են միջինարևելյան տարածաշրջանում և Հարավային Կովկասում առկա հիմնախնդիրների կարգավորման հնարավորությունները:
