Էր Ռիադում ավարտվել է ամերիկյան և ուկրաինական պատվիրակությունների բանակցությունների ևս մեկ փուլ, հայտնում է РИА Новости-ի թղթակիցը։
Կիևի իշխանությունների ներկայացուցիչները լքել են Սաուդյան Արաբիայի մայրաքաղաքի հյուրանոցներից մեկի նիստերի սրահը:
Վոլոդիմիր Զելենսկու գրասենյակի ղեկավարի տեղակալ Պավել Պալիսան հրաժարվել է գործակալությանը մեկնաբանել տեղի ունեցած հանդիպումը, սակայն նշել է, որ Էր-Ռիադում ռուսական պատվիրակության հետ բանակցություններ չեն լինելու:
Հիշեցնենք՝ մարտի 18-ին Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը հեռախոսազրույց էին ունեցել, որը տևել էր մոտ երկու ժամ։
Նրանք պայմանավորվել էին անհապաղ սկսել տեխնիկական բանակցություններ «Սև ծովում կրակի դադարեցման, լիակատար հրադադարի և մշտական խաղաղության» հաստատման շուրջ։
Ինչպես հայտնել էր ՌԴ ղեկավարի օգնական Յուրի Ուշակովը, մարտի 24-ին Էր-Ռիադում տեղի է ունենալու Ռուսաստանի ու ԱՄՆ-ի փորձագիտական հանդիպումը։
Մոսկվայի կողմից հանդիպմանը կմասնակցեն Դաշնային խորհրդի միջազգային հարցերով կոմիտեի նախագահ Գրիգորի Կարասինը և Անվտանգության դաշնային ծառայության տնօրենի խորհրդական Սերգեյ Բեսեդան։
Ամերիկյան պատվիրակության կազմը դեռ հայտնի չէ։ Ինչպես սպասվում է, բանակցությունները նվիրված կլինեն Սևծովյան նախաձեռնությանը:
