Ուկրաինան պատրաստ է «Գազպրոմ»-ի հետ պայմանագրի ժամկետի ավարտից հետո Եվրոպա փոխադրել ադրբեջանական, ղազախական և «ցանկացած այլ» գազ, բացի ռուսականից։ Այդ մասին հայտարարել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը «Նովոստի Live» YouTube-յան ալիքի եթերում։«Եթե Եվրոպայի որևիցե երկիր անհրաժեշտ համարի ստանալ ղազախական գազ, ադրբեջանական կամ այլ գազ, մենք պատրաստ ենք այն փոխադրելու», – նրա խոսքերն է փոխանցում ՏԱՍՍ-ը։Պոդոլյակի խոսքով՝ Ուկրաինան պատրաստ է փոխադրել «ցանկացած տարանցիկ գազ, որը կգա Կենտրոնական Ասիայի երկրներից»՝ համապատասխան պահանջի և իրավաբանական ասպեկտների կարգավորման դեպքում։ «Եթե կա համապատասխան լոգիստիկա, եթե կա խնդրանք, և ամեն ինչ իրավաբանորեն ձևակերպված է, եթե կա պայմանագիր, որտեղ Ուկրաինայի տարանցիկ դերն առանձին շարադրված է, դրանից հետո կարելի է խոսել այդ մասին», – հավելել է նա։Օգոստոսի 27-ին Ուկրաինայի նախագահ Վոլոդիմիր Զելենսկին հայտարարել էր, որ Կիևը չի երկարաձգի «Գազպրոմ»-ի հետ ռուսական գազի տարանցման համաձանագիրը, որի ժամկետը լրանում է տարեվերջին։ Նա նաև ասել էր, որ պայմանագրի ժամկետի ավարտից հետո Ուկրաինան ԵՄ-ի հետ համատեղ որոշում կկայացնի իր տարածքով այլ ընկերությունների գազի տարանցման վերաբերյալ, սակայն մանրամասներ չի հայտնել։
