Հանրապետական կուսակցությունից ԱՄՆ նախագահի թեկնածու Միթ Ռոմնին հայտարարել է, որ Բարաք Օբաման չի կարողացել ստանալ Ռուսաստանի համաձայնությունը Իրանի հանդեպ լուրջ պատժամիջոցների կիրառելու համար, փոխարենը ռուսներին է «հանձնել» Լեհաստանում հակահրթիռային պաշտպանության (ՀՀՊ) օբյեկտները:
Ռոմնին Հանրապետական կուսակցության նախնական ընտրությունների մասնակիցների շրջանում առաջատար է և, ըստ վերջին սոցհարցումների, առաջին տեղը զիջում է միայն Տեխասի նահանգապետ Ռիք Փերիին:
«Աշխարհի անվտանգության համար գլխավոր սպառնալիքը Իրանն է, որն ունի ատոմային զենք: Նախագահ Օբաման ռեալ հնարավորություն ուներ ճնշում գործադնելու Թեհրանի վրա: Եվ այդ ժամանակ նա բախվեց Ռուսաստանին: Մոսկվան ուներ միայն մեկ խնդիր` հանել ԱՄՆ-ի ՀՀՊ օբյեկտները Լեհաստանից: Եվ նա «հանձնեց» այդ օբյեկտները ռուսներին»,- ասել է Ռոմնին Fox News հեռուստաընկերությանը տված հարցազրույցում:
«Եթե նախագահ Օբաման պայմանավորվածության գար Ռուսաստանի հետ, որպեսզի նա պաշտպաներ պատժամիջոցների կիրառումը Թեհրանի նկատմամբ, մենք կունենայինք Իրանին ճնշելու լուրջ հնարավորություն (սառեցնել Թեհրանի ատոմային ծրագիրը)»,- նշել է Մասաչուսեթսի նահանգապետը: «Եթե ես լինեի նախագահ, ապա չէի համաձայնի Մոսկվային «հանձնել» այն, ինչը հենց ռուսներին էր շատ պետք (ՀՀՊ օբյեկտները Լեհաստանում.- 1in.am), այլ կսպասեի մինչև այն պահը, երբ նրանցից կստանայի Իրանի նկատմամբ լուրջ պատժամիջոցներ կիրառելու համաձայնություն»,- նշել է Ռոմնին:
