Իտալիայի առաջնության 2-րդ` մեկնարկային տուրում (1-ին տուրը հետաձգվել է ֆուտբոլիստների գործադուլի պատճառով) Թուրինի «Յուվենտուս»-ը խոշոր` 4:1 հաշվով պարտության մատնեց «Պարմա»-ին և գլխավորեց մրցաշարային աղյուսակը:
Թուրինյան ակումբի կազմում մեկական անգամ աչքի ընկան Լիխշտայները (17 ր.), Պեպեն (58 ր.), Վիդալն (73 ր.) ու Մարկիզիոն (83 ր.): Հյուրերի կազմում միակ գոլի հեղինակը դարձավ «Յուվենտուս»-ի նախկին ֆուտբոլիստ Ջովինկոն (92 ր.): Նշենք, որ տանտերերի կազմում հրաշալի խաղաց «Միլան»-ից տեղափոխված Անդրեա Պիռլոն, ով դարձավ 2 գոլային փոխանցման հեղինակ:
Անակնկալ պարտություն կրեց այս մրցաշրջանում լուրջ համալրում ստացած «Ռոմա»-ն: Լուիս Էնրիկեի սաները 1:2 հաշվով զիջեցին «Կալյարի»-ին:
Պարտություն կրեց նաև «Ինտեր»-ը. միլանցիները մրցակցի հարկի տակ 4:3 հաշվով զիջեցին «Պալերմո»-ին: Սիցիլիացիների կազմում դուբլի հեղինակ դարձավ Միկոլին ( 48, 86 ր.), մեկական անգամ էլ աչքի ընկան Էրնանդեսն (54 ր.) ու Պինիլլան (88 ր.): Հյուրերի կազմում դուբլ ձևակերպեց Միլիտոն (33, 51 ր.), իսկ մրցավարի ավելացրած ժամանակում աչքի ընկավ թիմի նորեկ Դիեգո Ֆորլանը:
2-րդ տուրի մյուս խաղերում գրանցվեցին հետևյալ արդյունքները.
«Չեզենա»-«Նապոլի»` 1:3:
«Կատանիա»-«Սիենա»` 0:0:
«Կիևո»-«Նովարա»` 2:2:
«Ֆիորենտինա»-«Բոլոնիա»` 2:0:
«Ջենոա»-«Ատալանտա»` 2:2:
«Լեչե»-«Ուդինեզե»` 0:2:
Հիշեցնենք, որ մեկնարկային տուրում «Միլան»-ը ոչ-ոքի` 2:2 հաշվով էր ավարտվել «Լացիո»-ի հետ հանդիպումը:
