Աշխարհի երկրների ավելի ու ավելի շատ կենտրոնական բանկեր են տուն վերադարձնում նախկինում արտասահմանյան բանկերում պահվող ոսկին։ Դրանով նրանց ձգտում են խուսափել Արևմուտքի երկրների կողմից ոսկեարժութային պահուստների արգելափակման սցենարներից, ինչը պատահել է Ռուսաստանի հետ՝ Ուկրաինայում ռազմական գործողություններ ծավալելու պատճառով։ Այդ մասին հայտնել է Reuters գործակալությունը՝ վկայակոչելով ԱՄՆ-ի Invesco ներդրումային ընկերության ուսումնասիրությունը։
Բանկային ճյուղում «լայն տարածում» է ստացել «արտասահմանյան երկրների բանկերից ոսկու ակտիվները տուն վերադարձնելու» պրակտիկան: 2020 թվականի համեմատությամբ՝ ոսկեարժութային ակտիվներն իրենց ազգային իրավասության ներքո պահել գերադասող կենտրոնական բանկերի բաժինը «50 %-ից ավելացել է մինչև 68 %»։
Իրադարձությունների նման զարգացման հիմնական պատճառն ընկերության փորձագետները համարում են «աշխարհաքաղաքական ռիսկերի աճը»։ Կենտրոնական բանկերը «ոսկին վերադարձնում են, որպեսզի իրենց ապահովագրեն այնպիսի պատժամիջոցներից, ինչպիսիք արևմտյան երկրները սահմանել են Ռուսաստանի դեմ»։ Ինչպես նշվում է ընկերության զեկույցում, կենտրոնական բանկերի ղեկավարների «էական մասն անհանգստացած է այդ նախադեպից»։
Invesco-ի հարցմանը մասնակցել են աշխարհի 85 սուվերեն հիմնադրամների և 57 կենտրոնական բանկերի ներկայացուցիչներ։
