ՀՀՇ վարչության նախագահ Արամ Մանուկյանը իր ելույթում երկու հայտարարությամբ հանդես եկավ. նախ, որ սոցկայքում համախմբվել են «Հայաստան՝ Հայոց հայրենիք» շարժման մեջ և միանում են Լևոն Տեր-Պետրոսյանի շարժմանը:
Հաջորդ հայտարարությունն այն էր, որ բանակում զոհվածների ծնողները ՀԱԿ-ի հանրահավաքին խոսքի իրավունք են խնդրել և եկել համաձայնության, սակայն նրանց հետ իրավապահներից սկսած հանդիպումներ և զրույցներ են ունեցել, հետևաբար չեն կարողացել մասնակցել հանրահավաքին, սակայն Արամ Մանուկյանի միջոցով փոխանցել են, որ բանակում սպանությունները, խոշտանգումները, կեղծ դատավարությունները համարում են քաղաքական ապաշնորհության հետևանք:
Արամ Մանուկյանը, հիշեցնելով անկախության 20-ամյակը, ասաց, որ հաղթանակները շարունակվելու են, և կոչ արեց ժողովրդին պատրաստվել արտահերթ ընտրություններին:
