Ապագա հնարավոր պատերազմները միջանցքների շուրջ են․ ՀՀ-ն ճանապարհները պետք է շատ արագ կառուցի

Ադրբեջանի անկախության օրվա կապակցությամբ Իրանի նախագահ Իբրահիմ Ռայիսին շնորհավորական նամակ է հղել Ադրբեջանի նախագահ Իլհամ Ալիևին․«Ադրբեջանն առանձնահատուկ տեղ ունի Իրանի վարած հարևանության քաղաքականության մեջ։ Մեր երկրների մահմեդական ժողովուրդների ընդհանուր պատմությունը, նրանց միջև անքակտելի կրոնական ու մշակութային կապերը արժեքավոր ռեսուրս են երկու երկրների հարաբերությունների զարգացման համար։ Այս շրջանակներում Իրանը մշտապես լիովին աջակցել է Ադրբեջանի ինքնիշխանությանը և տարածքային ամբողջականությանը։Հաշվի առնելով մեր երկրների լայն ներուժը՝ հուսով եմ, որ ականատես կլինենք երկկողմ համագործակցության ու հարաբերությունների հետագա ընդլայնմանը՝ մեր ժողովուրդների փոխադարձ շահերից ելնելով», – նշված է շնորհավորական նամակում։ Թեմայի շուրջ «Առաջին լրատվական»-ը զրուցել է «Հայաստան-Իրան համագործակցության զարգացման կենտրոնի» հիմնադիր Պույա Հոսեյնիի հետ: