«Առավոտ»-ը գրում է, որ ՃՈ նախկին պետ Մարգար Օհանյանի նկատմամբ «ռեյդը» շարունակվում է։ Իր ղեկավարած պետական կառույցում կատարած ապօրինությունները, չարաշահումներն ու խոշոր չափերի պետական գումարներ յուրացնելը բացահայտելուց հետո կառավարությունն անցել է Մարգար Օհանյանի անձնական բիզնեսում կատարվող անօրինություններին:
«Առավոտի» տեղեկություններով` օրերս ստուգումներ են անցկացվել Մ. Օհանյանին պատկանող «Անգել» տաքսի սերվիսում և բացահայտվել է, որ սերվիսի մեքենաների ընդամենը 20%-ն է պաշտոնապես գրանցված եղել։
«Այսինքն՝ ՃՈ նախկին պետը, թաքցնելով տաքսիների բանակի մեծ մասը, պետբյուջե սիմվոլիկ գումար է վճարել հարկերի տեսքով։ Մարգար Օհանյանին են պատկանում նաև մի շարք երթուղագծեր՝ թիվ 39, 22 և 45։ Կարելի է ենթադրել, որ շուտով «ռեյդ» կլինի նաև այս և մյուս բիզնեսների վրա։ Ընդ որում, 22 և 45 երթուղագծերը սպասարկում են Նորք-Մարաշ թաղամասը, «Անգել» տաքսի սերվիսն էլ կրկին գտնվում է Մ. Օհանյանի հայրենի թաղամասում` Նորք-Մարաշում»,- հավելում է թերթը։
