ԱՄՆ պետդեպ խոսնակ Նեդ Փրասյցը ամենշաբաթյա ճեպազրույցի ժամանակ անդրադարձել է հայ-ադրբեջանական հարաբերություններին, նոր հանդիպման կազմակերպման հնարավորությանը և ԱՄՆ պաշտոնյաների ներգրավվածությանը։ Փրայսը, մասնավորապես, հայտարարել է.«Մենք պատրաստվում ենք անել այն, ինչ առավել օգտակար է: Իսկ անցած տարեվերջին մի քանի հանդիպումներ եղան, որոնք քարտուղար Բլինքենը կազմակերպեց իր գործընկերների միջև՝ եռակողմ հանդիպումներ Հայաստանի և Ադրբեջանի միջև: Մենք դա արեցինք Բլեր Հաուսում: Մենք դա արեցինք Նյու Յորքում: Իհարկե, վերջին ժամանակներս մենք տեսել ենք հետընթաց, երբ խոսքը վերաբերում է Լեռնային Ղարաբաղին: Մենք ցանկանում վերականգնել կառուցողական երկխոսությունը, պատրաստ ենք երկկողմ համագործակցության։ Մենք պատրաստ ենք համագործակցել գործընկերների հետ և նրանց ու ԵԱՀԿ-ի միջոցով կամ անել դա եռակողմ, ինչպես արել ենք նախկինում»։
Փրայսը նաև հավելել է, որ երկկողմ հանդիպման անցկացումը երկրի ղեկավարների կամ ԱԳ նախարարների մակարդակով դա կողմերի որոշելիքն է։
