«Կովկաս» ինստիտուտի տնօրեն, քաղաքագետ Ալեքսանդր Իսկանդարյանը կարծում է, որ հարցն այն է, թե այս անգամ ինչ ենք տալու Լաչինի միջանցքը բացելու դիմաց. «Ադրբեջանի նպատակն է Արցախի տարածքում տեղի ունեցող իրադարձություններին մասնակցություն ունենալը: Եթե խաղաղության պայմանագրում Ղարաբաղի հարցը ձևակերպվի որպես Ադրբեջանի ներքին հարց, ռուս խաղաղապահների մնալն անիմաստ կդառնա»:
Ըստ Իսկանդարյանի` Ադրբեջանն իր նպատակներին մաս առ մաս է հասնում, ոչ միանգամից» Ռուսաստանն այս կոնֆլիկտում այսօր կարող է կիրառել միայն դիվանագիտական-քաղաքական գործիքակազմ: Ռուսաստանի քաղաքական ճնշումը բավարար չէ. Ալիևը դրանով չի գնա զիջումների: Ոչ մի երկիր պատրաստ չէ Ադրբեջանի վրա քաղաքականից բացի այլ ճնշում գործադրել, դրա համար էլ այս վիճակն է: Ադրբեջանն ունի ռեսուրս ևս մեկ պատերազմ սկսելու, բայց չի անի դա»:
