TRT-ի ռուսական ծառայության փոխանցմամբ՝ քաոսային իրավիճակի պատճառով Թուրքիա ներթափանցած Սիրիայի քաղաքացիների թիվն անկում է ապրել՝ հասնելով 6902-ի։
Թուրքիայի վարչապետական ապարատին կից գործող արտակարգ իրավիճակների վարչությունը հայտնել է, որ Սիրիայում ժողովրդական հուզումների մեկնարկելուց հետո Թուրքիայում ապաստան գտնելու հույսով թուրք-սիրիական սահմանը հատել է Սիրիայի 16,920 քաղաքացի։
Սակայն փախստականների մեծ մասն արդեն իսկ վերադարձել է հայրենիք, ինչի համար էլ ներկայումս Թուրքիայի տարածքում է գտնվում 6902 սիրիացի փախստական։ Թուրքիայի հիվանդանոցներում բուժվում են նաև 43 հիվանդ ու վիրավոր սիրիացիներ, որոնց հոգ են տանում նրանց հարազատները՝ 25 մարդ։
Հիշեցնենք, որ բուժման նպատակով հատուկ ինքնաթիռով Ստամբուլ են բերվել նաև 45 ծանր վիրավոր լիբիացիներ։
