Առաջին անգամ 2003 թվից ի վեր, երբ ամերիկացիները ներխուժեցին Իրաք, մեկ ամսվա ընթացքում չի զոհվել և ոչ մի զինվոր` չնայած իրականացվել են ահաբեկչական բազմաթիվ ակցիաներ, որոնց հետևանքով զոհվել են հարյուրավոր իրաքցիներ: Ինչպես գրում է The New York Times-ը, սա առավել կարևոր է, քանի որ նախորդ` հուլիս ամսին ամերիկացիները գրանցել էին վերջին երեք տարվա ամենաշատ մահերը մեկ ամսվա ընթացքում` 14 զոհ:
Ամերիկացիներն այս ցուցանիշները կապում են իրաքյան իշխանությունների վարած քաղաքականության հետ։ «Ես կարծում եմ, որ սա ցույց է տալիս, թե ինչի են հասել իրաքյան հատուկ ծառայությունները»,- ասել է Իրաքի հարավային 4 նահանգներում ամերիկյան զորքերի հրամանատար, գնդապետ Դուգլաս Քրիսմենը:
Սակայն իրավիճակը բավական լուրջ է Աֆղանստանում: Անցած մեկ ամսվա ընթացքում ամերիկացիները կորցրել են 66 զինվոր, ինչը չէր գրանցվել մոտ 10 տարվա զինված գործողությունների ժամանակ:
