Լիբիայի Ազգային անցումային խորհուրդը որոշել է Մուամմար Քադաֆիին գտնելուց հետո նրան մահապատժի ենթարկել: Ինչպես հայտնում է mignews.com-ը` հղում անելով բրիտանական Times-ին, այս մասին հայտնել է անցումային խորհրդում արդարադատության նախարարի պարտականությունները կատարող Մուհամմեդ Ալ-Ալաղին:
Ըստ նրա Քադաֆիին անհրաժեշտ է դատել մարդկության դեմ հանցագործությունների համար և գնդակահարել ոչ միայն նրան, այլ նաև նրա որդիներին` բացառությամբ Մուհամմեդի, ով իր քրոջ` Աիշայի մետ մեղադրվում են ֆինանսական հանցագործությունների մեջ:
Հիշեցնենք, որ երեկ Ալժիրի արտգործնախարարությունը հայտնել էր, որ Մուամմար Քադաֆիի կինը, երկու որդիները և դուստրը գտնվում են իրենց երկրում, իսկ այսօր պարզվեց, որ Քադաֆիի դուստրը` Աիշան, երեխա է ունեցել:
Լիբիայի Ազգային անցումային խորհուրդը հայտարարել է, որ Ալժիրի իշխանություններից պահանջելու է իրենց հանձնել Քադաֆիի ընտանիքի անդամներին: Տեղեկություններ են ստացվում այն մասին, որ այս խնդիրը լարվածություն է առաջացրել երկու երկրների միջև, և , հնարավոր է, Լիբիայի ու Ալժիրի միջև սահմանը փակելու պատճառ դառնալ:
