Արցախի հետագա գոյության համար կարևոր է, որ չլքենք Արցախը: «Առաջին լրատվական»-ի հետ զրույցում նշեց Արցախի բնակարանային հարցերի կոմիտեի նախագահ Արմեն Մանգասարյանը:
Մանգասարյանի փոխանցմամբ՝ պատերազմից հետո Արցախում լայն թափով բնակարաններ են կառուցվում: Արցախում 20 թաղամաս է կառուցվում, 39 համայնքի համար․ «Տեղահանվածներից շատերը սպասում են իրենց հերթին: Պատերազմից հետո 1000 բնակարան է տրամադրվել մեր հայրենակիցներին, որից 377-ը նորակառույց: Բացի բնակարաններ տրամադրելուց, կոմիտեն տրամադրում է գույք և էլեկտրոտեխնիկա»:
Ինչպես հայտնեց Մանգասարյանը՝ ՀՀ-ում ունենք 20 հազար տեղահանված անձ, որոնք պատրաստակամ են վերադառնալ Արցախ․ «Մինչև չհայտարարվի բնակարան կա, տեղահանվածները չպետք է շտապեն»:
