Իսպանիայի և Պորտուգալիայի ավելի քան 1,7 հազար բնակիչ է մահացել օդի անոմալ բարձր ջերմաստիճանից. այդ մասին ասված Է Առողջապահության համաշխարհային կազմակերպության (ԱՀԿ) Եվրոպայի բյուրոյի տնօրեն Հանս Կլյուգեի հայտարարության մեջ։
«Հարյուր հազարավոր մարդիկ են մահացել արտակարգ բարձր ջերմաստիճաններից վերջին տասնայակներում, իսկ տապի երկարատև շրջաններին հաճախ զուգադիպում են նաև անտառային հրդեհները: Այս տարի միայն Իսպանիայում և Պորտուգալիայում մենք արդեն դարձել ենք շոգ եղանակի պատճառով ավելի քան 1,7 հազար անհեթեթ մահվան վկաներ», – ասված Է հայտարարության մեջ։
Կլյուգեի խոսքով՝ անառային հրդեհները «Եվրոպայի հարավից տարածվել են դեպի նույնիսկ Սկանդինավիայի հյուսիս»: Նա հիշեցրել Է, որ այս շաբաթ հրդեհները 41 տուն են ոչնչացրել Լոնդոնում, թեև «ամառային կիզիչ տապի սեզոնը» հասել Է սոսկ իր կեսին:
ԱՀԿ-ն իշխանության բոլոր ազգային և տեղական մարմիններին կոչ Է արել պատրաստվել ջերմաստիճանային ռեկորդների: «Ապացուցվել Է, որ շոգի դեմ պայքարի գործողությունների օպերատիվ և համալիր պլանները փրկում են կյանքեր և բարձրացնում են կենսակայունությունն արտակարգ ջերմաստիճանների պայմաններում», – ընդգծված Է հայտարարության մեջ։
