Ամռան ամիսներին շատերն են մեկնում հանգստի՝ ազատվելու առօրյա հոգսերից։ Նախընտրելի ուղղությունները հիմնականում՝ Մալդիվներն են, Եգիտոսը, Թունիսը, Բաթումին։ Գրավչությամբ իր տեղը չի զիջում նաև Հայաստանը։ «Առաջին լրատվական»-ը փորձել է համեմատության անցկացնել հայաստանյան ու թուրքական հանգստի գները՝ պարզելու, թե որն է ավելի մատչելի մեր օրերում։
Մենք զրուցել ենք մի շարք տուրիստական գործակալությունների հետ, որոնց մի մասը տուրեր են կազմակերպում նաև դեպի Թուրքիա՝ Անթալիա, որը գնային համեմատությամբ ավելի մատչելի է, քան երևանյանը։ Օրինակ՝ Home tour agency-ում 10 օր 9 գիշերը Երևանում արժե՝ $585.00, նույն ժամանակային գրաֆիկով Հայաստանի շուրջ պտտվելը՝ $610.00, Գառնի Գեղարդում 7 օր 6 գիշերը արժե՝ $425.00։ Lori Tour-ում մեկ գիշերակացով հանգիստը՝ մեկ անձի համար արժե՝ 11.000 դրամ, իսկ մեկ օրովը՝ կախված ուղղությունից սկսում է 4000 դրամից։
Անթալիայում հանգստի գները խիստ տարբեր են հայաստանյանից, այնտեղ Antalia Business Hotel-ում գինը՝ AMD 52315, Elips Royal Hotel & Spa AMD 59985, The Suites AMD 82691, իսկ Հայաստանում՝ Best Western Plus Paradise Hotel Dilijan-ում AMD 348300, Haghartsin Hotel and Restaurant AMD 340000, Dilijan Park Restort & Villas AMD 137052։
Նշենք նաև, որ Թուրքիա հանգստի մեկնող հայերին մեր հայրենակիցները մեղմ ասած՝ այդքան էլ լավ չեն վերաբերվում։ Քաղաքացիներից մեկը նման մեկնաբանում էր տվել․ «5000 երեխա է զոհվել իրանց ակտիվ օգնությամբ ու տանջամահ եղել, թուրք վարձկանների խոշտանգելու տեսանյութերն էլ կան։ Եթե 44 օրից հետո ասում եք՝ հա ի՞նչ է, կարող ենք՝ Կարս, Անի գնալ, նորմալ է, ուրեմն գնացեք։ Մինչև ձեր երեխեն էլ չզոհվի, վեջներդ չի լինի։ Հեչ բան, Եեռաբլուր էլ հանկարծ չգնաք, «թուրքիայի տոմս» կգնեք «թուրքիա» կգնաք։ Բարի ճանապրահ բոլոր չհասկացողներին, ջղային սմայլերի վրա ծիծաղող չհասկացողներին։ Բարի ճանապարհ»։ Մյուս օգտատերն էլ գրել էր՝ «Դե Արևմտյան Հայաստան կարելի է գնալ` Կարս, Անի, Վան ու էդ գնալուց չգիտես՝ ինչի չենք ընդունում, որ Թուրքիա ենք գնում ու նույն այդ փողերը ծախսում այնտեղ։ Անի գնացողներին չգիտես ինչի թվում է, որ այդ ծախսածը՝ ՀՀ բյուջե է գալիս։ Հիմա, որ մարդը գրել է Թուրքիա՝ ջղայնացել են։ Կարող էր գրեր Կարս եմ գնում ու ոչ մի խնդիր»։
