Պատրանք է, որ Իրանի բարձրաստիճան պաշտոնյայի մեկ այցով կարող ենք դիվանագիտական աքցանից դուրս գալ: «Առաջին լրատվական»-ի հետ զրույցում նշեց «Դեմոկրատական այլընտրանք» կուսակցության քաղաքական խորհրդի նախագահ Սուրեն Սուրենյանցը:
Ըստ Սուրենյանցի` Հայաստանում բավական է արտաքին կենտրոններից հայահաճո հայտարարություններ լսենք, հետևություններ ենք անում. «Քաղաքականությունը բարդ ու բազմաշերտ է, իրադարձությունները խելակորույս արագությամբ են զարգանում: Իրանին ձեռնտու է, որ ՀՀ-ն ինքնիշխանության ու տարածքային կորուստ չունենա: Հայաստանը Իրանից իրատեսական սպասումներ պետք է ունենա»:
Սուրենյանցի խոսքով` Երևանը ակտիվ դիվանագիտական շարժերի մեջ է, բայց դիվանագիտական մեկուսացումից չենք կարողանում դուրս գալ. «Հայաստանի արտաքին քաղաքականությունը չի կապիտալիզացվում»:
