Մուամար Քադաֆիի կառավարությունը շատ ինտենսիվ նախապատրատվում էր աշնանը միջազգային կոալիցիայի կողմից ենթադրվող հարձակմանը և այդ ընթացքում ակտիվ լոբբիստական գործունեություն էր վարում: Այս մասին հաղորդում է TheGuardian-ը` տեղեկացնելով նաև, որ այս փաստերը բացահայտվել են Քադաֆիի նստավայրը գրավելուց հետո:
Փաստաթղթերից պարզ է դարձել, որ վարչապետ Ալ-Բաղդադի Ալի Ալ-Մահմուդին շողոքորթ նամակներ է հղել ԱՄՆ նախագահին և սենատորներին: Մասնավորապես հայտնաբերվել է նամակ կոնգրեսական ԴենիսԿուչինիչին, ով, սակայն, հրաժարվել է համագործակցությունից: Կուչինիչը հաստատել է նամակագրության տեղեկությունը:
Փաստաթղթերից նաև պարզ է դարձել, որ Քադաֆիին հարող ուժերը մեծ քանակությամբ ռեսուրսներ են կուտակել` աշնանը նախատեսվող դաշնակիցների հարձակումից առաջ: Ազգային անցումային խորհրդի ղեկավար Մուստաֆա Աբդ Ալ-Ջալիլն ասել է, որ կուտակված սնունդը թույլ կտար մեկ տարի շարունակ Տրիպոլիից երկու անգամ մեծ բնակչություն կերակրել և ապահովել բուժօգնությամբ:
Քադաֆին շատ ակտիվ հետևել է աշխարհում տեղի ունեցող զարգացումներին, կարդացել է Wikileaks-ի բացահայտումները: Լիբիայի առաջնորդը համոզված է եղել, որ պատերազմը հրահրվել է Ֆրանսիայի կողմից և փորձել է սերտ կապեր հաստատել Օբամայի հետ:
