«Հրապարակ» թերթը գրում է. «Երեկ հայտնի դարձավ, որ Սյունիքի մարզպետի նախկին տեղակալ Կարո Ավանեսյանին մեղադրանք է առաջադրվել։ Նա, հանդիսանալով հայտարարատու պաշտոնատար անձ, զբաղեցնելով Սյունիքի մարզպետի տեղակալի պաշտոնը, «Կոռուպցիայի կանխարգելման հանձնաժողով ներկայացրած իր 2021 թ․ գույքի, եկամուտների եւ շահերի հայտարարագրում թաքցրել է հայտարարագրման տարում 183 եւ ավելի օր անձի հետ համատեղ բնակվելու վերաբերյալ հայտարարագրման ենթակա տվյալը»:
Հիշեցնենք, որ Ավանեսյանն ապրիլի 22-ին, վարչապետի որոշմամբ, ազատվեց մարզպետի տեղակալի պաշտոնից: Մենք դեռ ազատվելուց առաջ էինք գրում, որ նրա վերաբերյալ քրեական գործ կա հարուցված, սակայն փոխմարզպետը փրփրաբերան հերքում էր՝ թերեւս հույս ունենալով, որ իր ընկերը՝ նախկին մարզպետ Մելիքսեթ Պողոսյանը, որն առայսօր իշխանության հետ ջերմ հարաբերությունները պահում է, կջրի իր գործը։ Ի դեպ, նախկին մարզպետի ավագ որդին՝ Մասիս Պողոսյանը, ապրիլից կատարում է Սյունիքի մարզի դատախազի պարտականությունները, քանի որ դատախազին տեղափոխել են Գեղարքունիքի մարզ»:
Առավել մանրամասն՝ թերթի այսօրվա համարում:
