Грузия Online-ի փոխանցմամբ՝ Վրաստանի վիճակագրական վաչության տվյալներով՝ 2010 թվականին ուղղակի օտար ներդրումները Վրաստանում կազմել են 814 միլիոն դոլար։ Դա 23.7 տոկոսով ավելին է՝ համեմատած 2009 թվականի հետ (658.4 միլիոն դոլար)։
ԵՄ-ի երկրների ուղղակի ներդրումները կազմել են 248 միլիոն դոլար՝ ընդհանուր ներդրումների ծավալի 30 տոկոսը։ Ներդրումների ծավալով առաջին տեղում ԱՄՆ-ն է՝ 135.8 միլիոն դոլար (16.7 տոկոս), ապա գալիս են Թուրքիան ՝ 91.8 միլիոն դոլար (11.3 տոկոս), Նիդեռլանդները՝ 73.4 միլիոն դոլար (9 տոկոս), Մեծ Բրիտանիան՝ 59 միլիոն դոլար (7.2 տոկոս), Ադրբեջանը՝ 58 միլիոն դոլար (7.1 տոկոս), ԱՄԷ-ն՝ 55.5 միլիոն դոլար (6.8 տոկոս), մնացյալ երկրները՝ 341 միլիոն դոլար (41.9 տոկոս)։
Վրաստանի տնտեսական հատվածին է առնչվել ներդրումների հիմնական մասը. 228.8 միլիոն դոլարը (28.1 տոկոս) բաժին է ընկել արդյունահանման ու վերամշակման արդյունաբերությանը, 215.1 միլիոն դոլարը (26.4 տոկոս)՝ տրանսպորտին ու կապին, 119.3 միլիոն դոլարը (14.6 տոկոս)՝ անշարժ գույքին, 107.4 միլիոն դոլարը (13.2 տոկոս)՝ ֆինանսական հատվածին, 143.9 միլիոն դոլարը (17.7 տոկոս)՝ մնացյալ ոլորտներին։
ՀՆԱ-ում օտար ներդրումների մասնաբաժինը կազմել է 7 տոկոս (2009 թվականին այդ ցուցանիշը կազմել է 6 տոկոս)։
