Ճապոնիայում երեխաների թիվը կրճատվել Է 1950 թվականից ի վեր մինչեւ ամենացածր մակարդակ, երբ սկսել են նման վիճակագրություն վարել: Ապրիլի 1-ի դրությամբ երկրում եղել Է 14, 65 միլիոն մինչեւ 14 տարեկան աղջիկ եւ տղա՝ 250 հազարով պակաս, քան մեկ տարի առաջ, ասված Է վարչական գործերի եւ հաղորդակցությունների նախարարության՝ մայիսի 4-ին տարածված զեկույցում:
Այն հրապարակվել Է մայիսի 5-ին նշվող պետական տոնի՝ Երեխաների օրվա առթիվ: Երկրի՝ մինչեւ 14 տարեկան փոքր քաղաքացիներին այժմ բաժին Է ընկնում բնակչության ընդամենը 11,7 տոկոսը: Ճապոնիան այդ ցուցանիշով զբաղեցնում Է ամենացածր տեղը 40 միլիոնից ավելի բնակչությամբ 35 երկրների թվում: Երկրում երեխաների թիվն անշեղորեն կրճատվում Է 1982 թվականից: Ծնելիությունը վերջին տարիներին Էլ ավելի Է նվազել համավարակի պատճառով:
Ճապոնիայի բնակչությունը, ներառյալ երկրում մշտական հիման վրա բնակվող օտարերկրացիները, 2020 թվականի հոկտեմբերից մինչեւ 2021 թվականի հոկտեմբերն ընկած ժամանակամիջոցը կրճատվել Է 644 հազարով՝ մինչեւ 125,5 միլիոն: Այդ գործընթացը նկատվել Է բոլոր տարիքային կատեգորիաներում, բացի տարեցներից: 65 տարեկանից բարձր տղամարդկանց եւ կանանց թիվը մեկ տարում աճել Է գրեթե 190 հազարով ՝ մինչեւ 36,2 միլիոն: Դա Ճապոնիայի բնաչկության ընդհանուր թվաքանակի մոտավորապես 29 տոկոսն Է, հաղորդել Է ՏԱՍՍ-ը:
