Ապրիլի 15-ից Վլադիվոստոկում բարձր պատրաստության ռեժիմ են սահմանել ԼԺՀ-ից, ԴԺՀ-ից եւ Ուկրաինայից փախստականների ժամանման պատճառով: Այդ մասին, ասվում Է Վլադիվոստոկի վարչակազմի որոշման տեքստում:
«Վլադիվոստոկի քաղաքային օկրուգի տարածք Ուկրաինայի, ԼԺՀ-ի եւ ԴԺՀ-ի քաղաքացիների եւ քաղաքացիություն չունեցող այն անձանց ժամանման կապակցությամբ, որոնք մշտապես ապրել են Ուկրաինայի, ԼԺՀ-ի ու ԴԺՀ-ի տարածքներում եւ հարկադրաբար հեռացել են (բնակության) տարածքներից… Վլադիվոստոկ քաղաքի վարչակազմը որոշում Է բարձր պատրաստության ռեժիմ սահմանել կառավարման մարմինների եւ արտակարգ իրավիճակների նախազգուշացման ու վերացման միասնական պետական համակարգի Պրիմորիեի տարածքային ենթահամակարգի Վլադիվոստոկի քաղաքային օղակի ուժերի համար»,-ասվում Է որոշման մեջ, որն ստորագրվել Է քաղաքապետ Կոնստանտին Շեստակովի կողմից:
Քաղաքացիական բնակչության զանգվածային տարհանումը Դոնբասի հանրապետություններից սկսվել Է փետրվարի կեսերից իրադրության սրման ֆոնին: Այնուհետեւ Ռուսաստանը ճանաչել Է ԴԺՀ-ի ու ԼԺՀ-ի անկախությունը, իսկ փետրվարի 24-ին Ուկրաինայում հատուկ գործողություն Է սկսել ապառազմականացման ու դենացիֆիկացման ուղղությամբ: Նախագահ Վլադիմիր Պուտինը նշել Է, որ իր նպատակը «մարդկանց պաշտպանելն Է, որոնք ութ տարի շարունակ ծաղրանքների, ցեղասպանության են ենթարկվում Կիեւի ռեժիմի կողմից», հաղորդել Է «ՌԻԱ Նովոստին»:
