Ամերիկյան բորսայական ինդեքսները երեքշաբթի օրվա աճուրդի տվյալներով՝ աճել են 2.9-4.3%-ով, ինչը տեղի է ունեցել երկրորդ օրն անընդմեջ՝ երկրի տնտեսության խթանմանն ուղղված նոր միջոցների ձեռնարկման սպասման ֆոնի վրա, վկայում են բորսային տվյալները:
Աճուրդի փակման ժամանակ DJIA (Dow Jones Industrial Average)-ի ինդեքսն աճել է 2.97%-ով և կազմել 11176.76 նիշ. Լայնամասշտաբ շուկայի S&P 500-ի ինդեքսն ավելացել է 3.43%-ով և կազմել է 1162,35 նիշ: NASDAQ բարձրտեխնոլոգիական կազմակերպությունների ինդեքսը բարձրացել է 4.29%-ով՝ մինչև 2446,06 նիշ:
Ներդրողների հույսերը, կապված տնտեսության աջակցման ԴՊՀ-ի նոր միջոցների հետ, ամրապնդվել են երեքշաբթի օրը՝ երկրում թույլ մակրոտնտեսական վիճակագրության հրապարակումից հետո: Ռիչմոնդի ԴՊԲ-ի գործնական ակտիվության ինդեքսը օգոստոսին իջել է մինչև 10 բացասական կետ, ինչը դարձել է ամենացածր ցուցանիշը՝ 2009 թվականի հունիսից:
Նոր տների վաճառքը ԱՄՆ-ում ընթացիկ տարվա հուլիսին իջել է 0.7%-ով` հունիսի համեմատ կազմելով 298 հազար: Վերլուծաբանները կանխատեսել են ցուցանիշի անկում միայն 0.6%-ով:
«Մենք տնտեսության աճի դանդաղեցման բազմաթիվ ապացույցներ ենք տեսնում»,- Bloomberg-ին բացատրել է շուկայի իրավիճակը Stifel Nicolaus & Co.-ի վերլուծաբան Քևին Քենոնը. « Հիմա սպասումները կենտրոնացված են, որ ԴՊՀ-ն կարող է ասել ինչ-որ բան, որը կհանգստացնի շուկաները»:
Ֆոնդային ինդեքսները բարձրանում են վերջին շաբաթվա մեջ դրանց զգալի անկումից հետո: S&P 500-ի ինդեքսը հուլիսի 22-ից օգոստոսի 19-ը կորցրել է 16%, ինչը դարձել է նրա ամենացայտուն չորսշաբաթյա իջեցումը՝ 2009 թվականի մարտից սկսած: