Հայաստան ժամանած Ռուսաստանի Դաշնության քաղաքացիները կարող են 180 օր առանց որևէ հաշվառման և փաստաթղթավորման մնալ Հայաստանի տարածքում: Այս մասին Araratnwes.am-ին հայտնեց Հայաստանի միգրացիոն պետական ծառայության հանրային կապերի պատասխանատու Նելլի Դավթյանը:
«Եթե ՌԴ քաղաքացիները ցանկանում են Հայաստանում աշխատանքային գործունեություն ծավալել, նույնպես ազատված են աշխատանքային թույլտվությունից և կացության կարգավիճակից»,-հայտնեց նա և նշեց, որ միայն պետք է գրանցվեն workpermit.am-ի կայքում, որպեսզի աշխատանքային պայմանագրի ժամկետով պայմանավորված Հայաստանում նրանց օրինական բնակությունը հաստատող քարտ տրամադրեն` խնդիրներից խուսափելու համար:
Հայտնենք նաև, որ ԵԱՏՄ անդամ պետությունների այն քաղաքացիները, որոնք ՀՀ-ում իրականացնում են աշխատանքային գործունեություն, ինչպես նաև նրանց ընտանիքների անդամները, համաձայն ԵԱՏՄ մասին պայմանագրի, ազատված են որևէ թույլատվական փաստաթուղթ ստանալու պահանջից աշխատանքային պայմանագրի գործունեության ամբողջ ժամկետի համար։
