Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան չի ընդունում և մերժում է Ռուսաստանի կողմից Ուկրաինայի դեմ սկսած ռազմական գործողությունը:
Էրդողանը, ընդգծելով, որ Անկարան Ռուսաստանին և Ուկրաինային համարում է բարեկամական երկրներ, ողմերին կոչ է արել խնդիրը լուծել Մինսկի համաձայնությունների շրջանակում՝ երկխոսության միջոցով:
Թուրքիայի նախագահը նաև նշել է, որ Անկարան աջակցում է Կիևին՝ իր տարածքային ամբողջականությունը պաշտպանելու պայքարում և հավելել, որ անելու է ամեն ինչ Ուկրաինայում ապրողների, այդ թվում` թուրք քաղաքացիների ու թաթարների կյանքի անվտանգությունն ապահովելու համար։
«Ռուսաստանի ռազմական ներխուժումն Ուկրաինա հակասում է միջազգային իրավունքի նորմերին և ծանր հարված է տարածաշրջանի խաղաղությանը և կայունությանը»,-ընդգծել է Էրդողանը: