«Նամախվանի ՀԷԿ»-ի նախագծում եվրոպական միջնորդի ներգրավմամբ շատ դրական գործընթաց է իրականացվում, պետությունը կատարել է առաջին քայլը, այժմ մենք բողոքի շարժման առաջնորդներից դրական հակաքայլեր ենք ակնկալում,- ասել է Վրաստանի էկոնոմիկայի նախարար Նաթիա Թուրնավան: Հաղորդում է 1tv.ge-ն։
Նրա խոսքով, ԵՄ էներգետիկ միության վեճերի լուծման և բանակցությունների կենտրոնի ներգրավմամբ հանդիպումը կանցկացվի այսօր առցանց:
«Եվրոպացի միջնորդի ներգրավմամբ շատ դրական գործընթաց է իրականացվում: Այս միջնորդությամբ առաջին հանդիպումը տեղի է ունեցել մի քանի օր առաջ: Այս հանդիպումը կշարունակվի այսօր նույն կազմով՝ արդեն առցանց ձևաչափով: Արդյունքն այն էր, որ պետությունը կատարեց առաջին քայլը: ՆԳՆ-ն ապամոնտաժել է երկաթե պատնեշները: Այժմ մենք ակնկալում ենք, որ դրական հակաքայլեր կգան հենց բողոքի շարժման առաջնորդներից: Պաշտպանված կլինեն նաև տարբեր իրավունքներ և օրենսդրությունը, ներառյալ՝ մասնավոր սեփականության իրավունքը: Ճանապարհի արգելափակումներ չեն լինի: Ես այնպիսի զգացողություն ունեմ, որ մենք անպայման համաձայնության կհասնենք: Գործընթացը դրականորեն է ընթանում,- ասել է Նաթիա Թուrնավան:
Հիշեցնենք, Վրաստանում թուրքական ENKA ընկերության կողմից «Նամախվանի ՀԷԿ» կասկադի կառուցման նախագծի դեմ տևական ժամանակ է բողոքի ակցիաներ են ընթանում։
2019 թվականին Վրաստանի կառավարությունը «Նամախվանի ՀԷԿ» կասկադը զարգացնելու, կառուցելու և շահագործելու իրավունք շնորհեց թուրքական ENKA և նորվեգական Clean Energy Group ընկերություններին: Երկու հէկերի կասկադը միացնելու է Ռիոնի գետի երկու հիդրոէլեկտրակայանները`433 ՄՎտ հզորությամբ: Շինարարության ավարտից հետո Վրաստանում էլեկտրաէներգիայի արտադրությունը կավելանա 15%-ով: Կասկադի կառուցման համար ներդրվել է 750 միլիոն դոլար: Գումարային փոխհատուցում է տրամադրվել տարածաշրջանի բնակչությանը:
Տարածքի շահագործումը թուրքական կողմին է հանձնվել 99 տարի ժամկետով:
