Ռուսաստանի և Միացյալ Նահանգների նախագահներ Վլադիմիր Պուտինի և Ջո Բայդենի ընդլայնված ձևաչափով բանակցությունների առաջին մասը սկսվել է Ժնևի La Grange վիլլայում, հաղորդում է «ՌԻԱ Նովոստին»:
Գագաթնաժողովը բաղկացած է երեք մասից. նեղ և երկու ընդլայնված կազմերով՝ թեյի և սուրճի ընդմիջմամբ:
Երկու երկրների ղեկավարների նեղ կազմով հանդիպումը տևել է գրեթե երկու ժամ: Երկու երկրների ղեկավարներից բացի, մասնակցել են արտգործնախարարներ Սերգեյ Լավրովը և Էնթոնի Բլինքենը:
Ռուսաստանի պատվիրակության կազմում էին նաև ՌԴ նախագահի օգնական Յուրի Ուշակովը, նախագահի մամուլի քարտուղար Դմիտրի Պեսկովը, ԱՄՆ-ում ՌԴ դեսպան Անատոլի Անտոնովը, ՌԴ ԳՇ պետ Վալերի Գերասիմովը և արտաքին գործերի փոխնախարար Սերգեյ Ռյաբկովը:
Ընդհանուր առմամբ, բանակցությունների համար նախատեսված է հինգ ժամ: Չի լինելու համատեղ մամուլի ասուլիս, պետությունների ղեկավարները լրագրողների հետ կխոսեն առանձին:
