Քաղաքական գործընթացներում ներգրավված կին պատգամավորների, կին պաշտոնյաների ու հասարակական գործիչների թիրախավորումը, այդ թվում՝ արժանապատվությունը վիրավորող արտահայտությունների, սեռի հատկանիշով ատելության խոսքի միջոցով լուրջ վնաս են հասցնում նրանց հեղինակությանը, միտված են հետ պահելու նրանց քաղաքական ակտիվ գործունեությունից, թուլացնելու որպես մրցակից, կանխելու կամ վարկաբեկելու նրանց նախաձեռնությունները:
«Կանանց քաղաքական մասնակցությունը և մեդիան» տեսանյութում խոսվում է սեռի հիմքով խտրական խոսքի, սեքսիզմի երևույթի մասին և թե ինչ դերակատարում կարող է ունենալ մեդիան, լրագրողն այն կանխելու, խտրական խոսքը մեղմելու գործում:
«Կանանց քաղաքական մասնակցությունը և մեդիան» տեսանյութը ստեղծվել է ՕքսԵՋեն հիմնադրամի ջանքերով «Կանայք քաղաքականության մեջ» ծրագրի շրջանակներում: Ծրագիրն իրականացվում է ՄԱԿ-ի Զարգացման ծրագրի կողմից՝ ՀՀ տարածքային կառավարման և ենթակառուցվածքների նախարարության և ՕքսԵՋեն հիմնադրամի հետ համագործակցությամբ, Միացյալ Թագավորության «Լավ կառավարման հիմնադրամի» աջակցությամբ:
