Նախագահ Արմեն Սարգսյանը դիմել է Սահմանադրական դատարան Դատական օրենսգրքում փոփոխություններ կատարելու մասին հարցով: Միանգամից դիսկուրս է ծավալվել. այս քայլը քաղաքակա՞ն է, թե՞ զուտ իրավական հարց է:
Թեմայի շուրջ «Առաջին լրատվական»-ի հետ զրույցում «Հանուն հանրապետության» կուսակցության գերագույն մարմնի անդամ Ռոբերտ Ղևոնդյանը նշեց. «Ամենայն հավանականությամբ նախագահը փորձում է ակտիվացնել իր քաղաքական դերակատարումը նախընտրական շրջանում: Նախագահը նախկինում ստորագրում էր բոլոր օրենքները՝ առանց դիտարկելու դրանց սահմանադրականությունը: Նախընտրական մթնոլորտում կա քաղաքական դիվիդենտներ շահելու հնարավորություն, և, ամենայն հավանականությամբ, նախագահը փորձում է քաղաքական դիվիդենտներ շահել հետագայում որոշակի քաղաքական գործընթացների մասնակցելու նկատառումներով»:
«Քաղաքացու որոշում» կուսակցության անդամ Վլադ Հովհաննիսյանի խոսքով՝ նախագահի ինստիտուտը, երբ որ երկրում վայրիվերումներ են առաջացել, միշտ փորձել է պրոցեսներ առաջացնել. «Հստակ երևում է, որ դրա մեջ քաղաքական ենթատեքստ կա… Հիմնական իրավական գործընթացներն անընդհատ ստորադասվում են քաղաքական կոնյուկտուրային, ըստ էության, չենք կարողանում առաջ քայլ կատարել»:
Ռոբերտ Ղևոնդյանի դիտարկմամբ՝ նախագահի քայլը արկածախնդրություն է: Նրա խոսքով՝ նախագահը այս քայլով ավելի սրեց ներքաղաքական մթնոլորտը:
Մանրամասները՝ տեսանյութում:
