ԱՄՆ Գերագույն դատարանը երկրի նախկին նախագահ Դոնալդ Թրամփին պարտավորեցրել է ֆինանսական հաշվետվություն ներկայացնել Նյու Յորքի դատախազությանը, հաղորդում է The Wall Street Journal-ը:
Հետաքննությունը, որը գլխավորում է շրջանային դատախազ Սայրուս Վենսը, արդեն երկու տարի է, ինչ փորձում է նախկին նախագահի հարկային հայտարարագրերի հասանելիություն ստանալ: Թրամփին միշտ հաջողվում էր արգելափակել դրանց հասանելիությունը:
Ի սկզբանե, նախկին նախագահը շեշտում էր, որ, որպես պետության ղեկավար, նա չի կարող քրեական հետապնդման ենթարկվել: Գերագույն դատարանը նման փաստարկներն անհամոզիչ է համարել, որից հետո քաղաքական գործիչը հայտարարել է, որ իր հարկային հայտարարագրերի վերաբերյալ տեղեկությունները հետաքննության համար անհրաժեշտ չեն: Հետագայում Միացյալ Նահանգների Գերագույն դատարանը հերքել է Թրամփի փաստարկները:
Այժմ ֆրանսիական Mazars իրավաբանական ընկերությունը, որը զբաղվում էր նախկին նախագահի ֆինանսական հաշվետվություններով, պետք է տրամադրի դատախազների կողմից պահանջվող 2011-2018 թվականների հարկային հայտարարագրերի վերաբերյալ տվյալները:
