Ստեփանակերտի 20 առևտրային օբյեկտներում, 56 լայն սպառման ապրանքների մանրածախ գների ուսումնասիրման արդյունքում՝արձանագրվել է 2 սննդային ապրանքատեսակի միջին գների աճ: Ըստ Արցախի հանրային ծառայությունները և տնտեսական մրցակցությունը կարգավորող հանձնաժողովի հրապարակած տեղեկագրի՝ փետրվարի 15-ի դրությամբ առևտրային օբյեկտներում աճել է մասնավորապես ներմուծվող հնդկաձավարի գինը, որը 1կիլոգրամի դիմաց կազմել է 653 դրամ՝ նախորդ դիտանցման 350 դրամի փոխարեն:
Աճել է նաև տեղական «Ոսկե կաթիլ» ձեթի 1 լիտրի արժեքը, որը նախորդ դիտանցման (08.02.2021) 854 դրամի փոխարեն կազմել է 898 դրամ:
Փետրվարի 15-ի դրությամբ՝ նվազել է բրնձի 1կգ-ի միջին արժեքը կազմելով 479 դրամ՝ 481 դրամի փոխարեն: Ստեփանակերտի առևտրային օբյեկտներում հայկական արտադրության «Բաղրամյան» տեսակի ալյուրի միջին գինը 1կիլոգրամի դիմաց կազմել է 348 դրամ՝ նախորդ դիտանցման 350-ի փոխարեն: Առաջին անհրաժեշտության սննդամթերքի մյուս ապրանքատեսակների միջին գներն անփոփոխ են մնացել:
