ԱՄՆ-ի ռազմածովային ուժերի Porter և Donald Cook Էսկադրային ականակիրները ՆԱՏՕ-ի դաշնակիցների և գործընկերների հետ 17-օրյա գործողություններից հետո դուրս են եկել Սև ծովի ջրատարածքից: Այդ մասին փետրվարի 10-ին հաղորդել է Կիևում ամերիկյան դեսպանության մամուլի ծառայությունը:
Ավելի վաղ Ուկրաինայի ռազմածովային ուժերը ԱՄՆ-ի ռազմածովային ուժերի նավերի հետ համատեղ վարժանքներ են անցկացրել Սև ծովի ջրատարածքում:
«ԱՄՆ-ի ռազմածովային ուժերի Porter և Donald Cook էսկադրային ականակիրները դուրս են եկել Սև ծովից ՆԱՏՕ-ի դաշնակիցների և գործընկերների հետ 17-օրյա գործողություններից հետո»,-ասվում Է դեսպանության հաղորդագրության մեջ, որը զետեղվել Է Twitter-ում:
Ինչպես ավելի վաղ հայտարարել Է ՌԴ ԱԳ նախարար Սերգեյ Լավրովը, ՆԱՏՕ-ում օգտվում են առիթից՝ Ռուսաստանի սահմանների մերձակայքում ավելի շատ տեխնիկա և գումարտակ տեղակայելու համար, հիանալի գիտենալով, որ Մոսկվան որևիցե մեկի վրա հարձակվելու պլաններ չունի:
«Ռուսաստանյան սպառնալիքի» մասին հայտարարությունները պարբերաբար հնչում են արևմտյան, ամենից հաճախ մերձբալթյան երկրների և Լեհաստանի, քաղաքական գործիչների շուրթերից: ՆԱՏՕ-ի նախկին գլխավոր քարտուղար Անդերս ֆոգ Ռասմուսենն ավելի վաղ հայտարարել էր, որ դաշինքին անդամակցելու համար Ուկրաինան պետք է հասնի մի շարք չափանիշների, որոնց իրականացման համար շատ ժամանակ կպահանջվի:
Փորձագետները կարծում են, որ Կիևը չի կարողանա ՆԱՏՕ-ի անդամակցությանը հավակնել առաջիկա 20 տարում, հաղորդել է ՌԻԱ Նովոստին:
