Առողջապահության համաշխարհային կազմակերպությունը (ԱՀԿ) «ասեկոսեներ» է անվանել ենթադրություններն այն մասին, թե կորոնավիրուսի պատվաստանյութը կարող է անպտղություն առաջացնել: Այս մասին հայտարարել է ԱՀԿ պատվաստումների բաժանմունքի ղեկավար Քեյթթ Օ’Բրայենը:
Նրա խոսքով՝ անպտղություն առաջացնող որևէ պատվաստանյութ գոյություն չունի:
Օ’Բրայենը նաև հայտարարել է, որ COVID-19- ի դեմ պատվաստանյութերը չեն փոխում մարդու ԴՆԹ-ն, իսկ դեղամիջոցներում պարունակվող քիմիական նյութերը վնասակար չեն առողջության համար:
«Մեր ունեցած պատվաստանյութերն անվտանգ են», – ասել է ԱՀԿ ներկայացուցիչը՝ նշելով, որ պատվաստանյութերի բոլոր բաղադրիչները «մանրակրկիտ ստուգված են»:
