Բժիշկ-դիետոլոգ Անժելիկա Դյուվալը «Ռադիո-1»-ի եթերում հայտնել է, թե որ կերակուրն է կտրականապես արգելվում ուտել նախաճաշին: Նա ասել է, որ չի կարելի սնվել նրանով, ինչ հայտնվում է ձեռքի տակ, դա հատկապես կարևոր է առավոտյան, քանի որ օրգանիզմին անհրաժեշտ են օգտակար նյութեր օրվա ընթացքում աշխատանքի համար:
Ուստի ամենաանընդունելի ուտելիքը համարվում են բուտերբրոդները, հատկապես երշիկով: Փորձագետը նշել է, որ քնելուց հետո օրգանիզմը պետք է վերականգնի ռեսուրսները, որոնք ծախսվել են նախօրեին: Այդ պատճառով նախաճաշը պետք է պարունակի վիտամիններ և միկրոտարրեր, լինի օգտակար: Բուտերբրոդը ծանր ուտելիք է, որը շատ երկար ժամանակ է մարսվում:
Դյուվալը հավելել է, որ խորհուրդ չի տրվում առավոտյան սուրճ խմել: Դա կապված է ճնշման բարձրացման վտանգի հետ: «Օրվա ընթացքում նրանք զգում են հոգնածություն, տրամադրության անկում, որովհետև սուրճը առույգացնում է միայն կարճ ժամանակահատվածում»,- ասել է մասնագետը:
Սուրճն ունի իր առանձնահատկությունը՝ այն առաջացնում է քաղցի զգացում: Դա հանգեցնում է այն բանին, որ երեկոյան մարդն ավելի շատ է ուզում ուտել, և դա կարող է ավելորդ քաշի առաջացման պատճառ լինել:
Ամենից լավ է առավոտյան ուտել շիլաներ: Ձավարեղենը պետք է եփել ջրի մեջ, հետո ավելացնել կաթ և հատապտուղներ: Կարելի է շաբաթը 2-3 անգամ պատրաստել սպիտակուցային նախաճաշեր՝ խաշած ձու, ձվածեղ, հավով կամ կաղամարով աղցաններ: Շաբաթվա մեջ մեկ անգամ կարելի է հրաժարվել նախաճաշից, որովհետև օրգանիզմը պետք է բեռնաթափվի:
